Dag: 17 Augustus 2020

Om te rou in grendeltyd

Om te rou in grendeltyd. Hoewel mens deur jou hele lewe aan verlies blootgestel word, is om ‘n geliefde aan die dood te verloor een van die pynlikste verliese wat jy kan ervaar, en die moeilikste om te verwerk. Om te leer om aan te gaan met die lewe sonder byvoorbeeld ‘n lewensmaat van die afgelope 50+ jaar, of ‘n geliefde ouer, broer of suster, kan ‘n moeisame en pynlike proses wees. En as hierdie verlies gebeur in ‘n tyd wat reeds deur groot onsekerheid en trauma, soos ons huidige grendeltyd, gebeur, kan die proses om die verlies te leer hanteer soveel meer ingewikkeld wees.