Bybelfees en Hoenderbraai

3 Oktober is ons jaarlikse Bybelfees waar ons deur die verkoop van hoenders fondse bymekaar maak vir die Bybelgenootskap. Hierdie fondse maak die Bybels vir ons mense bekostigbaar en ondersteun Die Bybelgenootskap se goeie werk! Hoe kan jy bydra? Jy kan ‘n hele hoender, wat heerlik voorberei en oor kole gebraai is, saam met 4 broodjies vir R160 bestel om op 3 Oktober vanaf 12:30-13:30 tydens ‘n ”Drive-Thru” geleentheid by die kerk te kom optel. So eet julle julself trommeldik en help iemand anders om soos Esegiël die Woord te eet. Tel die slapies af tot hierdie jaar se Bybelfees!”

NG Elarduspark kraai deel van hierdie lewensverrykende storie, in besonder die met die laaste 19 jaar se jaarlikse Bybelfees!

Die Bybelfees is 3 Oktober, maar omdat die regulasies almal op hok geslaan het, gaan ons anders kekkel hierdie jaar. Jy kan ‘n ‘n hele hoender met 4 broodjies bestel teen R160 (Jy is reg, dit werk jou R40 per bord uit) en so skenk jy ‘n Bybel vir iemand in sy of haar moedertaal.

Jy kan hierdie Sondag dan jou wegneemete tussen 12:30-13:30 warm kom optel met ons Drive-Thru geleentheid. Ons leraarspan soek enige verskoning om jou te kan sien en daarom deel ons dit by hierdie geleentheid self uit.

Plaas jou bestelling op ons Google aanlyn bestellingsvorm (waar jy die skakel in Elarduspark Weekliks) sal ontvang) – voor 27 September 2021 om tydens jou middagete met die Bybelfees koning te kraai!

Dit is die taak van die Bybelgenootskap van Suid-Afrika om bekostigbare Bybels te voorsien vir elkeen in hul eie taal en in geskikte formate sodat almal die lewegewende boodskap van die Woord mag ervaar. Die Bybelgenootskap is hierdie jaar 200 jaar oud.

NAVRAE

Christo Scheepers (C) 082 339 6996 of Amalie Scheepers (C) 012 345 2355.

Woorde van ons braai meester…