Die Christelike Maatskaplike Raad (CMR) Elarduspark lewer ‘n omvattende, maatskaplike diens aan die gemeenskap om mense sosiaal, emosioneel en ekonomies te bemagtig. Dienste sluit in statutêre werk, terapeutiese dienste, aannemings, groepwerk, en gemeenskapswerk.
Missionêre Liefdesdiens
Die NG gemeente Elarduspark verklaar dat ons God se liefde wil uitleef vir alle mense, oor alle grense heen. Dit is dan hierdie geloofsverklaring wat agter ons Missionêre Liefdesdiens die dryfveer is.
Frankryk Sending
Ons gemeente ondersteun Ds. Johan Bloemhof met kinderevangelisasie in Frankryk. Hulle versprei inligtingspakke in gemeenskappe wat die deur oopmaak vir persoonlike gesprekke.
Noord-Thai Sending
Noord-Thai sending Rynier Kruger is deur die gemeente gestuur en werk in die noordelike Thailand. Sy fokus is vriendskapsevangelisasie. Ek kan omgee deur Rynier te ondersteun deur e-posse en om vir sy bediening te bid.
Khomani Uitreik
Die gemeente reik twee keer per jaar, in April en September, uit na die Khomani San gemeenskap in Andriesvale.
Nellmapius Uitreik
‘n Omgeegroep ondersteun die organisasie “Women for Change” wat daagliks sop aan 70 bejaardes en 325 kinders in die Nelmapius woongebied voorsien, kinders na skool met hul huiswerk help, en vroue bemagtig deur die maak van artikels wat verkoop kan word.
Jakarandakinderhuis (Huis 13)
Huis 13 akkommodeer tans 13 seuns tussen die ouderdomme van 7 en 15 jaar. Ondersteuning vind plaas deur finansiële, materiële, geestelike en emosionele bystand. Die jeug van Elarduspark gemeente reik ook Sondag aande gereeld uit na die koffiekroeg by die kinderhuis.
Mosesprojek
Ons is ‘n selgroep wat in 2009 gelei is na babas van werklose ouers in Elandspoort.
Omgeegroepe
Een van ons diepste menslike behoeftes is om deel te wees en te behoort. In ‘n samelewing van heinings en haas leef ons geïsoleerd. Ons mis uit op diep, betekenisvolle verhoudinge en die waarde van ‘n geloofgemeenskap. Dit is wat ‘n Omgeegroep jou bied… ‘n plek waar jy kan BEHOORT, net soos jy is. ‘n Plek waar jy God en liefde in betekenisvolle verhoudinge kan BELEEF . ‘n Plek waar jy deelneem om te BELIG – God se teenwoordigheid in jou en ander se lewens uit te wys.
Huiswerkerskamp
Een maal per jaar word ‘n naweekkamp gehou waar huiswerkers van ons omgewing bederf word.