Noord-Thai sending Rynier Kruger is deur die gemeente gestuur en werk in die noordelike Thailand. Sy fokus is vriendskapsevangelisasie. Ek kan omgee deur Rynier te ondersteun deur e-posse en om vir sy bediening te bid.

‘n Omgeegroep ondersteun die organisasie “Women for Change” wat daagliks sop aan 70 bejaardes en 325 kinders in die Nelmapius woongebied  voorsien, kinders na skool met hul huiswerk help, en vroue bemagtig deur die maak van artikels wat verkoop kan word.

Ons is ‘n selgroep wat in 2009 gelei is na babas van werklose ouers in Elandspoort.

Die NG gemeente Elarduspark verklaar dat ons God se liefde wil uitleef vir alle mense, oor alle grense heen. Dit is dan hierdie geloofsverklaring wat agter ons Missionêre Liefdesdiens die dryfveer is.

Die kleretrommel is ‘n projek waar gebruikte klere, linne, speelgoed, meubels en toerusting deur gemeentelede geskenk en dan uitgedeel word aan persone wat behoefte daaraan het.

Die gemeente reik twee keer per jaar, in April en September, uit na die Khomani San gemeenskap in Andriesvale.

Een maal per jaar word ‘n naweekkamp gehou waar huiswerkers van ons omgewing bederf word.

Herwinning is deel van die bewaring. Bring asseblief al julle ou papier en glas kerk toe.

Ons gemeente ondersteun Ds. Johan Bloemhof met kinderevangelisasie in Frankryk. Hulle versprei inligtingspakke in gemeenskappe wat die deur oopmaak vir persoonlike gesprekke.